भोजपुरी ग़ज़ल
चौका बर्तन लकङी लवना सब पर गरहन लाग गइल
उनके घर से जाते घर के भीतर गरहन लाग गइल
फूल उगावे के फेरा में एतना कांट रोपाइल की
फुलवारी के रूप रंग के ऊपर गरहन लाग गइल
चोरी चुपके देखके उनके प्रीत के अइसन लागल रोग
देखत देखत हमरे जान के ऊपर गरहन लाग गइल
चांद भी उनके पीछे छुप के ललचाये ला सूरज के
और कहे ला देख ल केतना सुन्दर गरहन लाग गइल
रोज अन्हरिया रात में उनकर सपना देख के लागेला
भोर में जैसे हमरे आंख के भीतर गरहन लाग गइल
दुनिया के ई रीत ह या फिर भगवाने के मर्जी ह
प्रेम करे वालन के ऊपर अक्सर गरहन लाग गइल
राजीव कुमार
No comments:
Post a Comment