होली जीवन में चाहत के फन ह
होली राधा के दिल में किसन ह
होली लइकन के बस खेल नाहीं
होली हर एक दिल के मिलन ह
फूल जइसे सभे खिल-खिलाये
कौनो दुख ना कभी के हू पाये
लाल पीयर हरा नीला धानी
हर कलर सबके सुन्दर बनाये
बाग ह अउर इहे चमन ह
होली जीवन मे चाहत के फन ह
भाई देवर के ईमान रक्खे
जीजा साली के सम्मान रक्खे
अपने भीतर कबो केहू खातिर
केहू ना कौनो अपमान रक्खे
प्रेमी जोङन के खातिर अगन ह
होली जीवन में चाहत के फन ह
दुश्मनी खत्म कइले के दिन ह
दोस्ती करके घूमे के दिन ह
हिन्दू मुस्लिम के झगङा इहां से
दोस्त ईहे मिटाये के दिन ह
रंग चङ जाये जे पर ऊ मन ह
होली जीवन में चाहत के फन ह
राजीव कुमार
No comments:
Post a Comment