भोजपुरी ग़ज़ल
लोग हसी ए डर से कौनो टाल मटोली ठीक ना ह
अपनो दिल के बात बताव एतना चुप्पी ठीक ना ह
प्यार करेलू लेकिन हमके प्यार करे से रोकेलू
दिल से हमरे सू न एतना धक्का मुक्की ठीक ना ह
हुस्न प तहरे दूसर शाइर गजल लिखे ना होखे देम
दूध के रखवाली कsरे में कौनो बिल्ली ठीक ना ह
नयन कटारी हुस्न तबाही अदा त जइसे एटम बम
उनके आगे भाला बरछी चाकू छूरी ठीक ना ह
जान भी ए मे चल जाई और पता भी तहके ना चली
हसी ठीठोली प्यार के लेके हरोघरी ठीक ना ह
ऊ का जाने देश के हमरे बात के माटी माई के
इहंवा जे ई बात कही की चोखा लिट्टी ठीक ना ह
पइसा रुपया गाङी घोङा देख के जे परपोज करे।
जीवनसाथी खातिर अइसन लइका लइकी ठीक ना ह
राजीव कुमार
No comments:
Post a Comment